വിജയ് ഹസാരെ ട്രോഫി സെമി ഫൈനലില് നിലവിലെ ചാമ്പ്യന്മാരായ കര്ണാടകയെ തോൽപ്പിച്ച് വിദർഭ. കർണാടക ഉയർത്തിയ 281 റണ്സ് വിജയലക്ഷ്യം നാല് വിക്കറ്റ് നഷ്ടത്തിൽ 22 പന്തുകൾ ബാക്കിനിൽക്കെ മറികടന്നു.
അമന് മൊഖാതെയുടെ സെഞ്ച്വറിയും രവികുമാർ സാമാർത്തിന്റെ അർധ സെഞ്ച്വറിയുമാണ് വിദർഭയ്ക്ക് തുണയായത്. അമന് മൊഖാതെ 122 പന്തിൽ രണ്ട് സിക്സറും 12 ഫോറുകളും അടക്കം 138 റൺസ് നേടി. രവികുമാർ 69 പന്തിൽ ഏഴ് ഫോറുകളുമായി 76 റൺസെടുത്ത് പുറത്താകാതെ നിന്നു. ധ്രുവ് ഷോറെ 47 റൺസ് നേടി.
നേരത്തെ ആദ്യം ബാറ്റ് ചെയ്ത കർണാടക 49 . 4 ഓവറിൽ മുഴുവൻ വിക്കറ്റ് നഷ്ടത്തിൽ 280 റൺസാണ് നേടിയത്. ടൂർണമെന്റിൽ മിന്നുന്ന ഫോമിൽ കളിച്ചിരുന്ന മലയാളി താരം ദേവ്ദത്ത് പടിക്കൽ നിരാശപ്പെടുത്തിയപ്പോൾ മറ്റൊരു മലയാളി താരമായ കരുൺ നായർ തിളങ്ങി. 90 പന്തിൽ ഒരു സിക്സും എട്ട് ഫോറുകളും അടക്കം 76 റൺസ് നേടിയ കരുണാണ് ടോപ് സ്കോറർ. കൃഷ്ണൻ ശ്രീജിത് 54 റൺസും ശ്രേയസ് ഗോപാൽ 34 റൺസും നേടി.
വിദർഭയ്ക്കായി ദർശൻ നാൽകണ്ടെ അഞ്ചുവിക്കറ്റ് നേടി. ടോസ് നേടിയ കർണാടക ബാറ്റിങ് തിരഞ്ഞെടുക്കയായിരുന്നു. നാളെ സൗരാഷ്ട്രയും പഞ്ചാബും തമ്മിലാണ് രണ്ടാം സെമിഫൈനൽ. ജനുവരി 18 നാണ് ഫൈനൽ പോരാട്ടം.
content Highlights:vijay hazare trophy semifinal; karnataka vs vidarbha